Mujhe pata hai tujhe birthdays
Pasand nahi hai
Bachpan mein bohot the
Par ab nahi hai
Kaise ek ek saal badh raha hai aur lag
Raha hai ki yaar abhi tak zindagi mein Kuch naya nahi hua
Birthday waale din sabse zyaada
Rona aata hai
Jisne pichle saal sabse pehle wish kiya tha Ussey rishta hi nahi bacha hai...😁
Par tera dhyaan hamesha aadhe
Khaali glass pe kyun jaata hai
Aadha glass bhara hai
Kabhi woh bhi toh dekh
Chalo maana saal bhar mein kuch naya
Hua nahi
Par naya karne ki koshish mein kitna kuch
Seekha bhi toh
Khud ko kuch toh credit de
Aaj kuch nahi bas enjoy karna hai
Kaam bohot kar liya ab ek din
Khud ko dena hai
Saari baatein yaad karna aaj hi zaroori hai? Inn 24 ghanto ko toh dhang se guzarne de
Hasna hai gaana hai kisi ke saath
Ya akele mein
Tujhe sabke birthdays yaad rehte hain
Tu sabko wish kar deta hai
Kya hua agar tujhe kisi ne wish nahi kiya toh Tu bhi khud ko kahan karta hai
Toh bol khud se
Happy birthday to me
Yeh saal sahi salamat guzra
Agla bhi guzre aise hi..